Алмалы пәрәмәчләр көзге кичләрне ямьләр

Кирәк булачак:

Он – 220 грамм;
Каймак – 100 грамм;
Йомырка – 2;
Акмай – 40 грамм;
Тоз – бер чеметем;
Шикәр – 1 кашык камыр өчен, ике кашык эчлеккә;
Сода – 0.3 калак;
Алма – 3;
Дарчин – 0.5 калак;
Лимон суты – 1 кашык;
Крахмал – 1 кашык.

Каймак, йомырка, шикәр, тоз һәм эретелгән акмай кушып, бутыйбыз. Акрынлап он, сода кушып, камыр басабыз һәм өстен каплап, бер сәгатькә җылы урында калдырабыз.

Алмаларны чистартып, уртасын алабыз, вак шакмаклар итеп турыйбыз, лимон суты сибәбез, дарчин һәм крахмал кушабыз, бутыйбыз.
Камырны алты кисәккә бүлеп, түгәрәкләп җәябез.
Һәр камыр түгәрәге өстенә эчлекне салып, читләрен күтәреп, бөгәбез.

Пәрәмәчләрнең өстенә йомырка сарысы яксагыз була.
180 градуска җылытылган мичтә 20-25 минут пешерәбез.

Тәмле булсын!

Чыганак