Йорт янын үзебез матурлыйк

Район үзәгендәге Татарстан һәм Техническая урамнарындагы күпквартиралы йортлар территорияләрен чүп үләннәре баскан.

-Күпквартиралы йортларда яшәүчеләр үз тирәләрен үзләре тәртипкә китереп тотарга тиеш, - ди Чирмешән авыл җирлеге башкарма комитеты җитәкчесе Светлана Ганиева. - Дөрес,күпчелек йорт алды участокларында чәчәкләр, яшелчәләр дә үстерә. Андыйлар Совет урамындагы күпквартиралы йортларда яшәүчеләр арасында бик күп. Өмәләр үткәреп, алар йорт территорияләрен дә гел җыештырып торалар. Ә менә Татарстан урамында яшәүчеләр чисталыкка битараф. Ел саен бер күренеш: йортларның территорияләрен чүп үләннәре басып китә. Техническая урамындагы йортларда да шул ук хәл.

Бүген бу йортлар тирәсендә кеше буйлы булып үскән үләннәрне чабу өчен кеше яллаганнар. Йорт хуҗалары түгел, ә торак милекчеләре ширкәте идарәсе.