Чирмешәннең Макаринская урамындагы йортларга су бик аз килә

Чирмешәннең Макаринская урамында – хәрби комиссариат тирәсендәге йортларда, инде көздән бирле линиядә су басымы бик түбән, краннан бик акрын килә. Бу пробеманы кайчан хәл итәрләр икән?

Нигъмәт Мостафин.

Чирмешән авылы.

Әлеге сорауга җавап алу өчен “Чирмешән районы коммуналь челтәрләре” генераль директоры урынбасары Михаил Арютинга мөрәҗәгать иттек: “Әйе, бу урамда краннардан суның  бик акрын килүен беләбез. Аның сәбәбен эзлибез. Бу проблеманы чишү юллары табылыр.”

Редакциядән. Безгә мәгълүм булганча, әлеге проблема уңай хәл ителгән, линиядә су басымы яхшы.

Кадыйр Гомәров фотосы