Быел Чирмешән районында 3 кеше утта янып үлгән

Күптән түгел бу сан чүт кенә тагын бергә үсмәде, Бәркәтәдә кызып янган мунчада исерек хәлдәге берәүне Ходай гына саклагандыр.

Сәбәпсез берни дә булмый, әйтик, кат-кат кисәтсәләр дә, авыл хуҗалыгы предприятиеләре яз, көз коры үлән яндыралар. Җил чыкса, ут еракка ук таралырга мөмкин. Андый хәлләр дә кабатланып тора. Урманнарда сак булырга кирәк. Янгыннар очрагында кайдан су аласын да алдан карап кую мөһим. Бу хакта Татарстан Республикасының Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясенең чираттагы утырышында да сөйләделәр. Әлеге чарада әйтүләренчә, быел янгын куркынычсызлыгы кагыйдәләрен үтәмәүчеләргә карата чаралар нык кырысланачак, мисал өчен, коры үлән яндырасың икән, беркетмә төзеп, җаваплылыкка, штрафка тартачакларын белеп торыйк.

фото: pixabay.com