Безнең Чирмешән

Чирмешән районы

16+
Рус Тат
Мәгариф

Чирмешән районында 72 әти-әни янә парта артына утырды

“Бергәләп тапшырабыз. Ата-аналар арасында бердәм дәүләт имтиханы тапшыру көне”ндә райондагы чыгарылыш сыйныф укучыларының ата-аналарын имтиханга дәштеләр.

Лашман урта мәктәбендә – имтиханнар кабул итү пунктында узган акция барышында 72 ата-ана белән бергә район башкарма комитетының эшләр идарәчесе Зөлфия Хөббәтуллина, район мәгариф бүлеге җитәкчесе Ольга Маркова,  мәгариф бүлеге җитәкчесе урынбасары Светлана Севастьянова, Чирмешән урман хуҗалыгы директоры Николай Кваков та база дәрәҗәсендәге математика фәненнән үзләрен сынап карадылар.

- Бердәм дәүләт имтиханнарына әзерләнгәндә белемнәр генә түгел, ә дөрес психологик кәеф, үз көчеңә ышаныч та зур әһәмияткә ия. Билгеле, монда гаиләнең, ата-аналарның роле бәяләп бетергесез. Рособрнадзор тарафыннан оештырылган әлеге чара - ата-аналар үзләре сынау рәвешендәге имтиханда катнашып, БДИ кагыйдәләре һәм процедурасы белән танышсын һәм аларны үз балаларына аңлатсын өчен уйланылган гамәл, - диде район мәгариф бүлеге җитәкчесе Ольга Маркова. - Акция чыгарылыш сыйныф укучыларына һәм аларның ата-аналарына БДИга әзерлек белән бәйле артык психологик киеренкелекне киметергә ярдәм итәчәк.

Акциядә катнашучыларга гадәти бердәм дәүләт имтиханындагы кебек 3-4 сәгатькә түгел, ә 1 сәгатькә исәпләнгән кыскартылган эш варианты тәкъдим ителде, әмма ул төрле типтагы биремнәр белән танышырга мөмкинлек бирде.

Имтихан тәмамлангач, “2025 елда БДИ оештыруның үзенчәлекләре” дигән темага матбугат конференциясе узды. Чирмешән лицее психологы Римма Гудадзе, акциядә катнашучылар белән, стрессны бетерү, укучыларны бердәм дәүләт имтиханнарына әзерләү буенча тренинг үткәрде.

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев