“Йөрүзән” җыры белән танылган Рузалия апа вафат

(Казан, 24 октябрь, "Татар-информ", Рузилә Мөхәммәтова). “Йөрүзән” җыры белән танылган җырчы Рузалия апа 83 яшендә вафат. Бу хакта аның продюсеры булган Җәүдәт Гыйльманов социаль челтәрләрдә хәбәр итә.

"Бүген Рузалия апаны авылда җирләдек. Соңгы дүрт елда җырлый алмады инде - апабыз авырды", - дип әйтте мәрхүмәнең туганы һәм продюсеры Җәүдәт Гыйльманов "Татар-информ" хәбәрчесенә.

• Рузалия Гарифуллина Биектау районының Олы Битаман авылыннан. Җырчы карьерасын Җәүдәт Гыйльманов ярдәмендә 72 яшендә башлый. 2007 һәм 2008 елларда "Ruza" һәм "Котлы булсын, матур булсын"альбомнарын чыгара, “Йөрүзән” җырына клип төшерә.

Бу хакта тулырак: https://tatar-inform.tatar/news/2018/10/24/174006/