Чирмешән районында ике хатын-кызга ир-атлар кул күтәргән
Район полиция бүлегенә ике хатын-кыз мөрәҗәгать иткән: аларга ир-атлар кул күтәргән, берсенә үтерү белән дә янаганнар.
Гомумән, 30 апрельдән 6 майга кадәр район полиция бүлегенә гражданнардан 27 хәбәр кабул ителгән. Элегрәк кылынган җинаять уңаеннан бер җинаять эше кузгатылган.
Полиция участок уполномоченныйлары дүрт административ беркетмә төзегәннәр.
Юллар иминлеге - аерым игътибар үзәгендә. Районда бер юл-транспорт һәлакәте теркәлгән. Юлда йөрү кагыйдәләрен бозуның 44 очрагы ачыкланган, шуларның икесе автотранспорт белән исерек хәлдә идарә итү.
Лашман авылыннан бер хатын-кыз үзен кыйнаган гражданинны җаваплылыкка тартуны сорый. Чирмешәндә дә шундый хәбәр кергән; бер хатын-кыз, өенә бер ир-ат кереп, йөзенә сугуыннан һәм үтерү белән янавыннан зарланган. Бу фактлар уңаеннан тикшерү бара.
Әлеге мәгълүматлар Россия ЭЭМның Чирмешән районы бүлеге штабыннан алынды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев