Иске Сережкино авылында берәүнең мотоблогын урлаганнар. Чирмешәндә яшәүче ир-егет үзен кыйнаган авылдашын җаваплылыкка тартуны сорап гариза язган. Туймәт янындагы нефть чыганагыннан кабель югалган. Бу эшләр буенча тикшерү бара.
30 июньнән 6 июльгә кадәр район полиция бүлегенең кизү частена 42 хәбәр кергән, ике җинаять эше кузгатылган.
Полиция участок уполномоченныйлары 7 административ беркетмә төзегәннәр.
Район юлларында матди зыян белән ике юл-транспорт һәлакәте теркәлгән. Юлда йөрү кагыйдәләрен бозуның 45 очрагы ачыкланган.
Әлеге мәгълүматлар Россия ЭЭМның Чирмешән районы буенча бүлегеннән алынды.
Нет комментариев