Түбән Чегодай авылы имамы Габделәхәт Рамазанов октябрь ае башында вафат булган иде. Мәрхүмнең кырыгы үткәч, биредә яңа имам-хатыйп сайладылар.
Мәхәллә халкы бу вазифага Шамил Шакир улы Фәсхетдиновны бертавыштын сайлаган. Ул Чирмешәндә яши, туган авылындагы дин, мәчет тормышында моңа кадәр дә оештырып йөрүчеләрнең берсе булды.
-Шамил абыйга зур рәхмәт, җаваплы эшкә алынды. Әлеге авылда 17 ел имамлык иткән Габделәхәт хәзрәтне дә догалар кылып искә алдык. Раббыбыз урынын җәннәт түрләрендә итсен, авыр туфрагын җиңел кылсын, - ди район мөхтәсибе Рамил хәзрәт Ибраһимов.
Сүз уңаеннан, Түбән Чегодайда беренче мәчет 1839 елда төзелгән. Хәзерге дин йорты исә 1999 елда ачылган.
фото: Черемшанская Мечеть
Нет комментариев