Ни өчен дога кылырга кирәк?

Пәйгамбәребез Мөхәммәд галәйһиссәлам әйтте: «Дога – гыйбадәтнең җелеге».

Аллаһ дога кылганны, ихлас күңелдән сораганны ярата, чөнки дога ул – үзеңне кол итеп тану, Аллаһының ярдәменә мохтаҗ булуыңны күрсәтү (дога кылганда кул күтәрү исә ул – ялвару билгесе).

Дога кылуның төп максаты – һәр нәрсәнең хәерле тәмамлануын сорау (яхшылыкның да, яманлыкның да, шатлыкның да, кайгының да), ягъни һәрбер хәлнең ахыры дөньябыз өчен һәм бигрәк тә ахирәттәге тормышыбыз өчен файдалы булуын сорарга кирәк, дип яза “Дин вә мәгыйшәт”.

чыганак