Түбән Чегодайдагы Җәлил урамына торналар “төшкән”

92 яшьлек Әминә әби Мөхәммәтшина йорты каршындагы тирәккә бер пар торна “оялаган”. Ана торна бала чыгара, атасы сакта.

 - Пластмассадан  ясалган бу кошларны Түбән Камада яшәүче туганыбыз Исхак алып кайтып, очы киселгән агач өстенә шулай урнаштырган иде. Ул нигезебезне бизәп, матур булып тора, - ди Әминә әбинең Лениногорск районында яшәүче кызы Гөлфия.

 Әминә әби җәйләрен гомерен авылда үткәрсә, кышкылыкка аны балалары шәһәрләргә алып китеп тора. Биш бала үстергән якташыбыз “Ана даны” медале иясе. 12 яшеннән колхозда хезмәт куйган ветеранга, мәрхүм ире Исмәгыйль белән, шактый еллар бөртек комбайнында да эшләргә туры килгән.

Марат Гомәров, Лилия Саттарова фотолары