Ульяновка авылында мунча янган

Янгын сүндерүчеләр вакыйга булган урынга тиз арада барып, утны йөгәнләсәләр дә, мунчаны саклап кала алмыйлар. Ул бүген яраксыз хәлдә. Әлегә тикшерү эшләре бара. Янгынның сәбәбе - мичнең төзек булмавы һәм артык кыздыру дип фаразлана.

-Быел районда 23 янгын чыкты, өйләр, мунчалар еш яна, - ди райондагы янгын күзәтчелеге хезмәте инспекторы Фәнил Гыйззәтуллин. – Ел башыннан район территориясендә җиде торак йорт, биш мунча, 11 каралты-кура, бер автомобиль һәм бер кибет янды. Көннәр коры тора. Шуның өчен барыбыздан да янгын куркынычсызлыгы кагыйдәләрен төгәл үтәү таләп ителә. Балаларны күз уңыннан ычкындырмыйк. Мунча мичләрен дә караучысыз калдырырга ярамый.

Янгын чыккан очракта, әлеге хәл турында кичекмәстән янгын сагына 01 яки 2-57-01 телефон номерына, кесә телефоныннан 101 номерын җыеп хәбәр итәргә кирәк.

Фәнил Гыйззәтуллин фотолары