Көрәш батыры Ильяс Галимов бүген Туймәт авылында җирләнәчәк

Ул соңгы берничә көндә үзендә нык хәлсезлек сизгән, температурасы күтәрелгән, аны больницага салганнар.

43 яшьлек Ильяс Галимов – көрәш буенча дөнья, Россия, Татарстан чемпионы, ул дүрт тапкыр Чирмешәндә район Сабан туеның абсолют батыры булды. Соңгы елларда Әлмәттә яшәде һәм эшләде, әмма районыбыз белән элемтәне өзмәде. Күптән түгел генә әти-әнисе яшәүче Туймәткә кайтып киткән.

Көрәш батырын бүген, 4 июньдә, Туймәттә җирләячәкләр.

Мәрхүмнең әти-әнисенең, гаиләсенең, якыннарының олы хәсрәтен уртаклашабыз.

фото "Безнең Чирмешән" газетасы редакциясе архивыннан