Җил Чирмешән районында да “характер күрсәтте”

1 июнь 2018 - 09:45 Автор:

Марат Гомәров

4913

Узган көннәрдә республикада көйсезләнгән табигать безнең районга да зыян салып өлгергән. Көчле җил Яңа Элмәледә машина-трактор паркының гараж түбәсен алган.

-“Сөлчә” җәмгыятенең бу авылда тракторлар куела торган шушы гаражының калай түбәсен, аскы такталары - обрешеткалары белән бергә кубарып, 20-25 метр ераклыкка илтеп ыргыткан. Җил юлларда кайбер юл билгеләренә дә зыян салды. Ә башка бәла-казалар хакында безгә хәбәрләр булмады, - ди районның 135нче янгын-коткару часте начальнигы Фәрит Яруллин.