Безнең районда
Чирмешән районында иҗтимагый советның яңа составы расланды
Район хакимияте бинасында яңа составтагы иҗтимагый советның беренче утырышы узды.
Нигезләмә нигезендә советка 15 кеше: укытучылар, яшьләр һәм ветераннар оешмалары, инвалидлар җәмгыяте, дин һәм район газетасы редакциясе вәкилләре керде.
Әлеге оешманың төп максаты - халык өчен әһәмиятле мәсьәләләрне хәл итү, хакимият органнары һәм җәмгыять арасында нәтиҗәле сөйләшү алып барырга ярдәм итү, гражданлык җәмгыятен үстерү.
Тәүге киңәшмәдә оештыру мәсьәләләре каралды, иң мөһиме - советның яңа рәисе сайланды. Рәис итеп җаваплы урыннарда эшләгән һәм райондагы эшнең торышын яхшы белгән, ветераннар (пенсионерлар) советы рәисе Миләүшә Батыршина сайланды.
Следите за самым важным и интересным в Telegram-каналеТатмедиа
Нет комментариев