Чирмешән урманчыларына өр-яңа өч автомашина бүләк иттеләр
Район урманчыларының автотранспорт паркы тагын өч яңа техникага баеды. Ике “Нива” (ВАЗ-21214), бер УАЗ -“буханка” автомашинасы ачкычларын аларга ТР Президенты Рөстәм Миңнеханов тапшырган.
Чирмешән урманчылыгы җитәкчесе Алмаз Мотыйгуллиннан белешүебезчә, әлеге автомашиналар урман патруле, урманнарны янгыннардан саклау өчен хезмәт итәчәк.
-Казанның «Казан» гаилә үзәге янындагы мәйданда республика урманчыларына барлыгы 112 берәмлек техника бирделәр. Алар арасында җиңел машиналар һәм башка урман хуҗалыгы техникалары да бар иде, - диде Алмаз Рифкать улы.
Яңа машина, тракторлар «Экология» илкүләм проектының «Татарстан Республикасында урманнарны саклау» төбәк проекты кысаларында федераль һәм республика бюджетлары хисабына бирелгән.
фото: архив
Следите за самым важным и интересным в Telegram-каналеТатмедиа
Нет комментариев