Чирмешән районында ташламага ия 805 кеше даруларны бушлай ала

Әгәр социаль пакет алу хокукы беренче тапкыр бирелсә яки  гражданин социаль пакет алу ысулын үзгәртергә уйласа,  1 октябрьгә кадәр социаль хезмәтләр җыелмасыннан файдалануны яңартуны сорап гариза язарга кирәк. Гаризаны күп функцияле үзәккә, пенсия фондының райондагы клиент хезмәтенә барып, яки дәүләт порталы аша да язып була.

-1 сентябрьгә районда ташламага ия гражданнарның 805е социаль пакеттан файдалана, ягъни алар компенсациядән баш тартты, рецепт буенча даруларны бушлай ала. Мин социаль пакеттан баш тартмаска киңәш итәм,  - ди РФ Пенсия фондының райондагы клиент хезмәте начальнигы Лилия Гатина.

Социаль пакет ул:

-социаль хезмәтләр җыелмасы, аның гомуми суммасы 1155 сум 6 тиен. Бу, беренче чиратта, рецепт буенча бушлай дарулар алу (айга 889 сум 66 тиен);

 -санатор дәвалану – 137 сум 63 тиен;

-тимер юл транспортында йөрү – моңа 127 сум 77 тиен каралган.

Әлеге уңайдан кирәкле мәгълүматны алу һәм кабул ителүгә язылу өчен 074 яки 8(84396) 074 11 телефон номерлары буенча шалтыратырга мөмкин.

фото: архив