Тавыкларга чүпрә кирәк. Бер укучыбыз шулай киңәш итә.
"Кышын тавыклар йомырка салуны киметә. Тавыкларга чүпрә һәм акбур бирә башлау белән йомырка салулары да күзгә күренеп арта.
Кичтән 1 литр суга 1 аш кашыгы чүпрә (корысын да, чиен дә биргәнем бар), аз гына шикәр комы кушып болгатам. Ул күперә. Бер чиләк тавык азыгына чүпрә һәм бер уч акбур кушам. 5-6 көн шулай өстәмә тукландыргач, тавыклар йомырка сала башлый. Акбурны азыкларына атнага 1-2 тапкыр кушам".
Нет комментариев