Ир белән баланы өйләренә кайтарып җибәргәннәр, хатын-кызны хастаханәгә салганнар.
Әлмәт шәһәрендә яшь әти белән әни һәм аларның ике яшьлек кызы ис газы белән агуланган. Бу турыда "Татар-информ"га ТР буенча Гадәттән тыш хәлләр министрлыгы матбугат хезмәтендә хәбәр иттеләр.
"12 майда Клара Цеткин урамындагы бер йортта 25 яшьлек ир белән хатын һәм аларның 2 яшьлек кызы газ исе белән агуланган", диелә ведомство хәбәрендә.
Әлмәт хастаханәсе табиблары аларга "Җиңелчә дәрәҗәдә агулану" диагнозы куя.
Ир белән баланы өйләренә кайтарып җибәрәләр, хатын-кызны хастаханәгә салалар. Башлангыч версия буенча, вентиляция начар эшләү сәбәпле, яшь гаилә агуланган.
Бу хакта тулырак: tatar-inform.tatar
pixabay.com фотосы
Нет комментариев