Республикада атна ахырына кадәр эссе көтелә. Һава температурасы көндез +34 градуска җитәчәк. ТР Гидрометеорология үзәге шулай ук яңгырлар, яшен һәм көчле җил фаразлый.
Кыска вакытлы яңгырлар (аерым районнарда – яшенле һәм җилле) республикада шулай ук сишәмбе һәм чәршәмбе, 15 һәм 16 августта көтелә. Төнлә +13 градустан +20 градуска кадәр, көндез +25 тән +31 градуска кадәр фаразлана.
Кыска вакытлы яшенле яңгыр 17 августта төнлә дә булачак, ди синоптиклар. Һава температурасы +14 градустан +19 градуска кадәр. Көндез явым-төшем тукталачак, һава +27 ..+32 градуска кадәр җылыначак.
Гидрометеорология үзәге фаразлавынча, җомга, 18 августта яңгырлар көтелми, көндезге һава температурасы +29..+34 градуска җитәчәк. Кыска вакытлы яңгырлар (аерым районнарда – яшенле) 19 августта булырга мөмкин. Һава температурасы +26.. +31 градустан артмаячак.
Исегезгә төшерәбез, Татарстанда эсселек аркасында урманнарда янгын куркынычы югары булу сәбәпле, шторм кисәтүе игълан ителде. Ул 18 августка кадәр дәвам итәчәк.
Нет комментариев