Республика юлларында бозлавык барлыкка киләчәк.
11 ноябрьдә, Татарстан территориясендә урыны белән төньяк-көнбатыштан көчле җил булачак. Бу хакта ТР Гидрометеорология үзәге "Татар-информа"га хәбәр итә.
Җилнең тизлеге кайвакыт секундына 16 метрга, Казан территориясендә 15 метрга җитәргә мөмкин, дип искәртә синоптиклар.
Моннан тыш, вакыт-вакыт кар явачак һәм кар яуганда күз күреме 1-2 километрга кадәр начарлану ихтималы бар.
Юлларда бозлавык барлыкка килә, дип кисәтә метеорологлар.
Нет комментариев