«Медотвод» булганнар коронавирустан прививка ясатмаска тиешме?

Татарстан Сәламәтлек саклау министрлыгының баш эпидемиологы Дмитрий Лопушов шулай дип белдергән. Аның әйтүенчә, бүгенгә республикада 1,9 миллионнан артыграк кеше коронавирустан вакцинаның беренче уколын ясаткан. Шулай итеп, халыкның 60 проценты гына вакцинация узган әле. Ә күмәк иммунитет өчен бу санның 80 процент тәшкил итүе кирәк. Шул ук вакытта 60 яшьтән өлкәнрәкләр арасында прививка ясатучылар өлеше 50 процентка җиткән. «Болары да чир үзләренә аеруча зур куркыныч тудырган төркемгә керә. Шуңа күрә ковидны кисәтүнең төп ысулы вакцинация булырга тиеш», – дип искәрткән баш эпидемиолог.

Лопушов сүзләренә караганда, хәзерге вакытта балалар өчен вакцина һәм «Спутник V»ның борынга салына торганын эшләү төгәлләнеп килә. «Яңа вакцинаны куллана башлагач, вирус хәтта өске сулыш юлларына да эләгә алмаячак», – дигән табиб. Сүз уңаеннан, республикада барлыгы 175 вакцинация пункты бар. 

"Ватаным Татарстан"