Көзен җимеш агачларына нинди күләмдә ашлама кертеп калдырырга?

Бакчачы-блогер Эльмира Исхакова җавабы:

Утыртканнан соң бер ел узгач, яшь алмагачлар, грушаларга 20 – 25 кг тирес, 50 – 60 г фосфорлы ашлама, 5 – 8 еллыкларына – 30 кг черемэ, 300 г суперфосфат һәм 200 г калий сульфаты кертәбез. Боларны су белән болгатып тугел, ә бераз черемә кушып, агач ябалдашы әйләнәсенә күмәбез. Яшь агачларның кәүсәсеннән – 30 см тирәсе, карт агачларның 50 см ераклыкта әйләнәне 20 см тирәнлектә казыйбыз да, шушы ашламаны салып, кумеп куябыз.

Яшь чия, слива, абрикос төбенә 10 л суга 3 аш кашыгы суперфосфат һәм 2 аш кашыгы калий сульфатын кушып сибәбез. Зуррак агачларга 4 чиләк ясап сибәбез.

Крыжовник өчен 8 – 15 кг черемәгә 40 г калий сульфаты һәм 160 г суперфосфат өстәп болгатабыз, әйләнәсен югарыда әйтеп үтелгәнчә казып, ашламаны шунда салып кумәбез.

Кура жиләге, кара бөрлегән (ежевика), карлыган куаклары өчен 14-15 кг черемәгә 60 г суперфосфат һәм 40 г калий тозы кушып, куак ябалдашыннан 30 см ераклыкта әйләнәсен 20 см тирәнлектә казып, ашламаны шунда салып кумәбез. Яңгырлар булмаса, су сибәбез.

Чыганак: Ватаным Татарстан