Белеп торыгыз
Кабактан искиткеч тәмле кайнатма ясау ысулы
Кирәк булачак: 1 кило кабак, 200 грамм сыек бал, 800 грамм шикәр комы. Бу рецептка 1 әфлисун яки 1 лимон да өстәргә мөмкин.
Кабакны кабыгы һәм орлыкларыннан чистартып, шакмаклап турыйбыз (кирәк икән, әфлисун яки лимонны турап салабыз). Шуңа 800 грамм шикәр комы салып, 4 сәгать тотабыз. Шушы вакыт эчендә кабакның согы бүленеп чыга. 200 грамм бал өстәп, кайнатырга куябыз. Шикәрләнгән балны су парында яки кыска дулкынлы мичтә эретергә була. Кайнап чыкканчы, гел болгатып торабыз. Кайнап чыккач, сүрәнрәк утта тагын 30 минут тотабыз (болгата-болгата).
Кайнар килеш стерильләштерелгән банкаларга тутырабыз.
Чәйләрегез тәмле булсын!
фото: pixabay.com
Следите за самым важным и интересным в Telegram-каналеТатмедиа
Нет комментариев