Чирмешәндә Халыклар бердәмлеге көне алдыннан паспорт тапшыру тантанасы узды

4 ноябрь – Халыклар бердәмлеге көне, бу көн илебез өчен аерым бер мәгънәгә ия. Чирмешәндә паспорт алу чарасы да шушы бәйрәм көне алдыннан үткәрелде.

“Орион” яшьләр үзәгендә узган тантанага илебезнең яшь гражданнарын паспорт алулары белән котларга район башлыгы урынбасары Надежда Гомәрова, “Алдынгылар хәрәкәте” вәкилләре, полиция бүлеге ветераннары һәм хезмәткәрләре килгән. Алар балаларга котлауларын ирештереп, бүләкләр дә тараттылар.

- Әлеге көнне мин зарыгып көттем. Россия гражданины булуым белән горурланам. Паспорт – мөһим документ,  аны кулга алгач, җаваплылык хисе дә тойдым, диде паспорт алучы, Чирмешәннән Камилә Фәсхетдинова.

Лилия Зөфәрова фотолары