Райондагы сәүдә өлкәсе тармагының бер предприятиесендә эшләүчеләр минималь хезмәт хакы күләменнән (МРОТ) түбән эш хакы алганнар. Ә бу законга сыймый торган гамәл.
Район башкарма комитетының икътисад бүлегеннән хәбәр итүләренчә, әлеге мәсьәлә ведомствоара комиссия утырышында тикшерелгән. Шунысын искәртик, 2022 елның 1 июненнән республиканың бюджет тармагында минималь хезмәт хакы күләме – 15279 сум, ә бюджеттан тыш тармакта 16700 сум итеп билгеләнгән.
-Шуның белән бәйле рәвештә, алда телгә алынган предприятиенең эш бирүчесе үз хезмәткәрләре белән 17000 сумга өстәмә килешү төзеде. Һәм хезмәткәрләр икенче яртыеллыкта МРОТка туры килә торган эш хакы ала башладылар, - диде район башкарма комитеты җитәкчесенең икътисад буенча урынбасары Марат Әһлиуллин.
Эш бирүче тарафыннан хезмәт хакы мәсьәләсенә кагылышлы Хезмәт законнары бозылган очракта, телефоннан шалтыратып хәбәр итү өчен “кайнар линия” эшли:
8(84396) 2-54-38 – Чирмешән районы башкарма комитеты;
8(84396) 2-54-59 – районның мәшгульлек үзәге.
Нет комментариев