Белеп торыгыз
Бәркәтә мәктәбе ашханәсендә тәмле ашаталар
Бәркәтә урта мәктәбе ашханәсендә көн саен 99 укучыга кайнар аш әзерлиләр. -Менюны ун көнгә төзеп куябыз,- ди аш пешерүче Рәмзия Бикбова. - Ашларны төрләндерергә тырышабыз. Бер көнне аш булса, икенче көнне ботка пешерәбез. Менюны ата-аналардан җыелучы акча исәбенә дә баеталар икән. Бер балага ай саен 150 сум җыялар. Бу акчага...
Бәркәтә урта мәктәбе ашханәсендә көн саен 99 укучыга кайнар аш әзерлиләр.
-Менюны ун көнгә төзеп куябыз,- ди аш пешерүче Рәмзия Бикбова. - Ашларны төрләндерергә тырышабыз. Бер көнне аш булса, икенче көнне ботка пешерәбез.
Менюны ата-аналардан җыелучы акча исәбенә дә баеталар икән. Бер балага ай саен 150 сум җыялар. Бу акчага колбаса, тавык ите, балык, җиләк-җимеш сатып алалар.
Укучыларны еш кына салатлар, винегрет белән дә сыйлыйлар.
-Мәктәп яны участогыбыз зур, 50 сутыйга якын,-ди биология укытучысы Җәүһәр Әхмәтҗанова.- Без монда мәктәп ашханәсе өчен суган, кишер, аш чөгендере, бәрәңге дә үстерәбез. Дөрес, бәрәңгебез азрак була, аны ата-аналардан да җыябыз.
-Мин манный боткасы яратам. Аны безнең ашханәдә дә тәмле итеп пешерәләр,- ди 7 нче класс укучысы Алсу Җамалиева. - Ашлар да әзерлиләр, салатлар да ясыйлар. Кайбер көнне өстәмә дә сорап алабыз.
Следите за самым важным и интересным в Telegram-каналеТатмедиа
Нет комментариев