16 гыйнварга һава торышы
Бүген, 16 гыйнварда, Татарстанда Себер антициклоны тәэсирендә урнашкан аномаль салкын һава торышы сакланачак.
Республика алмашынучан болытлы һава торышы була. Явым-төшем көтелми. Юлларда бозлавык барлыкка килә.
Җил секундына 4 метрдан 9 метрга кадәр тизлек белән көнчыгыш һәм көньяк-көнчыгыштан исәчәк. Бофорт шкаласы нигезендә, тизлеге 3,4-5,4 метр булган җил җиңелчә, 5,5-7,9 метр тизлек белән исүче җил уртача, ә 8,0-10,7 метр тизлектәге җил саф җил дип атала.
Төбәктә төнге -17, -22 (аязганда -27) градуслардан соң тәүлекнең якты вакытында термометр баганалары бары тик -12, -17 градуска кадәр генә (Казанда -14, -16 градуска кадәр) күтәреләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев