Кармыш авылы өлкәннәрен хөрмәтләделәр

Кармыш авылы мәдәният йортында Өлкәннәр көне уңаеннан «Олыласаң олыны, олыларлар үзеңне!» темасына бәйрәм чарасы оештырдылар.

Бәйрәм табыны авыл имамы Камил Миначев вәгазе белән башланып китте. Кармыш авыл җирлеге башлыгы Илдар Фәтхетдинов та өлкәннәргә котлауларын ирештерде. Кунакларны тәм-томнар белән сыйладылар, билгеле, бәйрәм җыр-моңсыз үтмәде, өлкәннәребез мәдәният йорты хезмәткәрләре әзерләгән концертны тыңлап ял иттеләр, рәхмәтләр әйтеп, күтәренке кәеф белән таралыштылар.