Чирмешәннең өлкәннәр һәм инвалидлар йорт-интернатына кунаклар килде

Йорт-интернатта гомер итүче 64 кешенең 20се - гүзәл затлар. Кунаклар килер алдыннан алар барысы да бәйрәмнәр уза торган залга җыелды. Чарада район башкарма комитеты җитәкчесе Илнур Җамалетдинов биредә яшәүче һәм коллективтагы хатын-кызларны бәйрәм белән тәбрикләде. Өлкәннәребезгә саулык теләп, район башлыгы Рамил Айбатов исеменнән дә котлаулар ирештерде һәм бәйрәм күчтәнәчләре таратты.

Әбиләр һәм апалар, үз чиратында, кунакларга рәхмәт әйттеләр.

Төрле язмышлы өлкәннәребез берникадәр вакытка булса да авыруларын, уйларын онытып тордылар, район мәдәният йорты артистларына кушылып җырладылар, зал уртасына чыгып биеп тә алдылар.

ФОТОРЕПОРТАЖ 

Кадрия Гамирова фотолары