Чирмешәндә Нәүрүз кунакларын карабодай боткасы белән сыйладылар
Салкын кышны озатып, матур язны каршы алуның иң матур йоласы – Нәүрүз бәйрәмен район үзәгендә быел да зурлап үткәрделәр. Яшьләр мәйданчыгы милли көйләргә күмелде.
Нәүрүзгә район үзәге мәктәпләре укучылары җыелды. Бәйрәм күңелле җырлар, дәртле биюләр белән башланып китте. Балалар һәм яшьләр бергәләп кышны озатты, язны каршы алды.
Тамашаның иң шаян мизгеле – Кыш Бабай белән Нәүрүзбикәнең очрашуы иде. Кыш бабай үз биләмәләрен тантаналы рәвештә Нәүрүзбикәгә тапшырды.
Чара барышында укучылар төрле уеннарда катнаштылар, җитезлекләрен һәм тапкырлыкларын күрсәттеләр. Нәүрүзбикә иң актив катнашучыларны татлы бүләкләр белән сөендерде.
Бәйрәмнең төп нотасы – Нәүрүз боткасы булды. Традиция буенча, кунакларны карабодай ярмасыннан әзерләнгән тәмле ботка белән сыйладылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев