Районның иң алдынгы комбайнчылары акчалата сертификатлар белән бүләкләнде
Яңгырлар комачаулаганлыктан, бөртеклеләрне урып-җыю эшләре шактый ук соңарды. Шунлыктан игенчеләребезгә кояшлы, коры көннәрнең һәр минуты, һәр сәгате кадерле.
“ЧИРМЕШӘНАГРО” җәмгыятеннән Олег Аверьянов 2 мең тоннадан күбрәк бөртек суктырган. Алдынгы комбайнчы буларак, ул да акчалата сертификатка ия. Бүләкне Олег Михайловичка район башлыгы Рамил Айбатов басуда тапшырды.
-Уңыш бик яхшы чыга. Ягулык, запас частьләр белән тоткарлык юк, бары яңгырлар гына комачаулый. Һава торышы бирсә, комбайным яңа, көненә уртача 15ләп бункер ашлык суктырам, - ди Олег Аверьянов.
Бүләкләүләрнең тәүге көнендә акчалата сертификатлар “ЧИРМЕШӘНАГРО”дан тагын Михаил Корниловка, Альберт Санчилеевка, “БИО-АГРО”дан Рәмзил Гарифуллинга, Марсель Нигъмәтуллинга, Марс Сәйфетдиновка, “ЧИРМЕШӘНАГРОХЕЗМӘТЛӘРЕ”ннән Рәсим Нуруллинга да тапшырылды.
-Урак язмышы сезнең кулда. Күпме көч, чыгымнар тотып үстерелгән игеннәрне ничек булса да түкми - чәчми җыеп алсак иде. Хезмәтегез өчен бик зур рәхмәт, - диде район җитәкчесе аларны тәбрикләгәндә.
Районда тагын башка хуҗалыклардан да алдынгы комбайнчыларны бүләкләячәкләр.
ФОТОРЕПОРТАЖ
Марат Гомәров фотолары
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев