Чирмешәндә иген басуларының 82,9 процент өлешеннән уңышны җыеп алдылар
Районның кайбер хуҗалыкларында урак эшләре санаулы гектарларда калды.
Район авыл хуҗалыгы һәм азык-төлек идарәсеннән алынган мәгълүматлар буенча, хуҗалыкларда игеннәрнең 22451 гектарыннан уңыш җыеп алынган, бу – тиешленең 82,9 проценты. Барлыгы әлегә 85 мең 349 тонна ашлык суктырылган, гектар көче уртача 38 центнер тәшкил итә.
“Тепсуркаев В.Ә.” крестьян-фермер хуҗалыгында уракны төгәлләделәр. “Әккәрәй” һәм “Сөлчә” җәмгыятьләрендә иген басуларының 96 процент өлешеннән комбайннар узган. “БИО-АГРО”да бу күрсәткеч – 94, “ЧИРМЕШӘНАГРО”да һәм “Ильхан”да – 88, “Лидер Трейд” җәмгыятендә – 77, “ЧИРМЕШӘНАГРОХЕЗМӘТЛӘРЕ”ндә – 67, “Кара Чишмә”дә 62 процент тәшкил итә.
Район хуҗалыкларында 10795 гектарда көзге чәчү эшләре башкарылырга тиеш, әлегә орлыклар тиешле мәйданнарның 8885 гектар өлешендә җир куенына салынган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев