Чирмешән районында урак алдынгылары бүләкләнде

“БИО-АГРО” җәмгыяте комбайнчысы Марсель Нигъмәтуллин “Тукано” комбайны белән 1962 тонна ашлык суктырган. Район башлыгы Рамил Айбатов басуга барып, аңа 5 мең сумга акчалата сертификат тапшырды. Шул ук җәмгыятьтән Рәмзил Гарифуллин – 4 мең, Марс Сәйфетдинов та 3 мең сумлык шундый бүләкләргә ия.

“ЧИРМЕШӘНАГРО” җәмгыятеннән “Полесье” комбайнында эшләүче Сергей Зубов район җитәкчесе кулыннан 5 мең сум, шәхси эшмәкәр Йосып Фәрхетдинов та 4 мең сумга сертификат алдылар.

-Хезмәтегез өчен бик зур рәхмәт. Бәла-касасыз эшләгез, - диде кыр уңганнарына Рамил Тәлгать улы.

Гомумән, 10 көнлек урак йомгаклары буенча, районнан барлыгы 16 якташыбыз акчалата бүләкләргә ия. Беренче урын өчен – 5 мең, икенчегә – 4 мең, өченче урын алучыга 3 мең сум.

“Сөлчә”дән Алексей Симухин, Фаил Әхмәтҗанов, “Әккәрәйдән” Вячеслав Макаров, Петр Сипатров, Илья Мензелин, “Тепсуркаев В.Ә.” җәмгыятеннән Александр Петрушков, “Регион Зерно”дан Изруди Оздамиров, “Гатин Д.М.” крестьян-фермер хуҗалыгыннан Нәфис Хәйрисламов, “Фәтхетдинов И.И.” крестьян-фермер хуҗалыгыннан Газинур Юнысов, “Митяева Л.В.” КФХсыннан Иван Семкичев, “Миронов Л.Н.” крестьян-фермер хуҗалыгыннан Евгений Матвеев шулай ук мактау-хөрмәткә лаек булып, акчалата сертификатлар ияләре булдылар.

ФОТОРЕПОРТАЖ 

Марат Гомәров фотолары