Район хуҗалыкларында көзге яңгырларга кадәр көнбагыш басуларының да байтак өлешеннән комбайннар узды. “БИО-АГРО”, “Сөлчә” җәмгыятьләрендә әлеге техник культураны җыеп алу эшләрен төгәлләделәр.
Район авыл хуҗалыгы һәм азык-төлек идаресеннән 15 октябрьгә алынган мәгълүматлар буенча, районда көнбагыш 13547 гектарда игелгән булса, шуның 78,5 процент өлешеннән уңыш җыеп алынган. Гектар көче уртача 23 центнер тәшкил итә.
***
Район хуҗалыкларында план буенча 44261 гектар мәйданда кырларны туңга сөрәсе. Бүгенгә шуның 79 процент өлеше эшкәртелгән.
***
Авыл хуҗалыгы җәмгыятьләрендә, крестьян-фермер хуҗалыкларында быел барлыгы 100 мең 368 тонна бөртеклеләр суктырып алынды. Гектарыннан уртача 37,1 центнер уңыш чыккан.
.JPG)
***
“БИО-АГРО” җәмгыятендә 4119 гектар мәйданда чәчелгән көзге бодай кырларын әүвәл гербицид белән, аннан соң җылы көннәрдә уҗымнар артык үсеп китмәсен өчен үсеш регуляторы (регулятор роста) препараты белән эшкәрттеләр.
-Кырларны “Хорш”, “Джакто” дип аталган чит ил техникалары белән эшкәрттек. Алар сыек препаратларны һәрберсе 36 метр киңлектә иңләп сиптерә. 1864 гектарда чәчелгән көзге рапс кырларын да гербицид белән эшкәртеп калдырдык, - диде “БИО-АГРО” җәмгыяте агрохимик-агрономы Рәдиф Гайнуллин.
Нет комментариев