Чирмешән районында бер шофер иртән үк күп акча “эшләгән”
Иске Котыш авылында автоинспекторлар иртәнге тугызынчы яртыларда туктаткан “тугызлы” җиңел машина шоферы аек булмаган. Өстәвенә әлеге Чирмешән егетенең машина йөртү таныклыгы да юк икән.
-Соңыннан, сатып алынган машинасының да үз артына күчерелмәгәнлеге ачыкланды. Моның өчен 800 сум штраф каралган, “страховакасы” – иминиятләштерү кәгазе юк - шулай ук 800 сум штраф, правасыз килеш руль артына утырган өчен 5 меңнән 15 мең сумга кадәр җәза бирелә, исерек булганы аңа тагын 30 мең сум штраф яки 5 тән 15 тәүлеккә кадәр административ кулга алыну яный. Әле штрафстоянка чыгымнарын да капларга туры киләчәк - ди районның ЮХИДИ бүлекчәсе өлкән дәүләт инспекторы Рәмис Шәкүров.
Фото архивтан
Следите за самым важным и интересным в Telegram-каналеТатмедиа
Нет комментариев