Чирмешән районында тиз йөрергә яратучыларга штраф салганнар

27 майда район территориясендә "Тоннель" операциясе уза.

Бу көнне ЮХИДИ бүлекчәсе инспекторлары иртәнге сәгать 9дан 12гә кадәр Лениногорск - Чирмешән юлында (район үзәген әйләнеп үтү юлында) кизү торачаклар.

-Әлеге рейдларның төп максаты - райондашларыбыз тарафыннан юлда йөрү кагыйдәләренең үтәлешен тикшерү, - ди ЮХИДИ бүлекчәсе начальнигы Самат Хәйруллин. - Операция барышында полиция хезмәткәрләре машина йөртүчеләрне аеклыкка тикшерәчәкләр, балаларны ничек йөртүләренә дә игътибар биреләчәк. Соңгы рейд вакытында кагыйдә бозучыларга карата 12 беркетмә төзелде, аларның күпчелеге тизлек режимын санга сукмаучыларга карата иде.

Хөрмәтле райондашларыбыз, юл кагыйдәләрен бозмыйк, бер - беребезгә игътибарлы булыйк.