Балаларга – автокресло

Быел Россия юлларындагы һәлакәтләрдә - 700, ә республикада 20 баланың гомере өзелгән. Бәхетсезлеккә китергән сәбәпләрнең берсе - автомашиналарда балалар өчен куркынычсызлык җайланмалары-утыргычлар булмау

3нче ноябрьдән 16нчы декабрьгә чаклы Россиядә "Балаларга-автокресло" социаль кампаниясе игълан ителде.

Төп максат - куркынычсызлык җайланмаларын куллану зарурлыгын аңлату, балалар хокукларын яклау. Ник дисәк, нәкъ менә балалар юл-транспорт аварияләре вакытында олыларга караганда ныграк зыян күрүче пассажирлар икән.

Бөтендөнья сәламәтлек саклау оешмасы мәгълүматлары буенча, автомашиналарда куркынычсызлык җайланмалары булу һәлакәтләрдә балалар тормышын куркыныч астына куюны 54 процентка азайтырга мөмкинлек бирә.

"Автоутыргычлар балаларның бөтен уенчыкларыннан мөһимрәк",- диләр әлеге кампанияне оештыручылар.