Безнең Чирмешән
  • Рус Тат
  • Итле, чәчәкле базар

    Узган атнада "Кәрвансарай" сәүдә үзәге янындагы мәйдан чәчәкләргә күмелде. Конкретрак әйткәндә, монда оештырылган чираттагы ярминкәдә бик күпләр чәчәк сатты, бик күпләр аны сатып алды. Чәчәкләр өчен 10-100 сум сорасалар, сыер ите (килограммы) - 230, дуңгызныкы 165-175 сумга сатылды. Яңа суелган свежий ит. Бозаулар, каз бәбкәләре, тавыклар-чебешләр дә (бер-берсе 190 сумнан...

    Узган атнада "Кәрвансарай" сәүдә үзәге янындагы мәйдан чәчәкләргә күмелде. Конкретрак әйткәндә, монда оештырылган чираттагы ярминкәдә бик күпләр чәчәк сатты, бик күпләр аны сатып алды.


    Чәчәкләр өчен 10-100 сум сорасалар, сыер ите (килограммы) - 230, дуңгызныкы 165-175 сумга сатылды. Яңа суелган свежий ит.

    Бозаулар, каз бәбкәләре, тавыклар-чебешләр дә (бер-берсе 190 сумнан башлап) бар иде. Азыгы да янәшәдә - бер капчык катнашазык 650 сум тора.

    - Мондый азык кыйммәтрәк шул,- ди Нина Минхәерова. - Менә миңа бөртек кирәк, тик аны сатмыйлар. Әйе, соңгы ярминкәләрдә бөртек, гомумән, күренми шул, хуҗалыкларда запаслар азрак бугай.

    Бу ярминкәдә - зур базарда сатучылар гадәттәгедән дә күбрәк. Товар да сайлап алырлык - кием-салым, азык-төлек, көнкүреш товарлары, обойлар - бар да бар.

    Бүген Мохтар абый Шәймарданов та сатучы ролендә - тана сатмакчы.

    - Әле тагын бер мал бар - үгез симертәбез,- ди 76 яшьлек ветеран. - Элек 5-6шар баш бозау тоткан чаклар булды. Хәзер олыгайдым шул, әмма, элеккеге гадәт, малдан аерыла алмыйбыз. Ә яшьләргә авырсынасы түгел, печән хәстәрләү ансатлашты, чапкычлар бар.

    Автор фотолары.

    Нравится
    Поделиться:
    Комментарии (0)
    Осталось символов: