Чирмешән ярминкәсендә үрдәк тә, йорт куяны да саттылар

автор, 8 сентябрь 2014 - 06:37

1793

Чирмешәндә узган атнада булган ярминкәдә яшелчә, мал һәм кош-корт та күп иде. 600-900 сумга йорт куяны, бер-берсен 300 сумга 5-7 айлык үрдәк, 18-20 меңгә бераз симертеп суярлык, 30 меңгә - көр, 12 меңгә бер айлык, кечерәк бозаулар да тәкъдим иттеләр. -Алып килгән бозауларның берничәсен саттым да, - ди Фаил Мөхәммәтҗанов....

Чирмешәндә узган атнада булган ярминкәдә яшелчә, мал һәм кош-корт та күп иде.

600-900 сумга йорт куяны, бер-берсен 300 сумга 5-7 айлык үрдәк, 18-20 меңгә бераз симертеп суярлык, 30 меңгә - көр, 12 меңгә бер айлык, кечерәк бозаулар да тәкъдим иттеләр.

-Алып килгән бозауларның берничәсен саттым да, - ди Фаил Мөхәммәтҗанов. - Халык кышкылыкка зуррак малны теләп ала. Бозауларның юньрәк тә чагы.

Бүген бал да сайлап алырлык, өч литрлы банкасын 500-700 сумга да килешергә мөмкин иде. Яңа уңыштан кәбестә дә бар - килосы 10 сум гына, ә бер чиләк бәрәңгегә 200 сум сорыйлар.

Берәү капчыгын 350 сумга, дөрес, капчык зур түгел, катнашазык сата. Гөмбә, агач үсентеләре, кавын, карбыз, кондитер эшләнмәләре, кием-салымга да сатып алучылар табылды.