Чирмешән укытучылары икенче урын алып кайтканнар

Республика мәгариф хезмәткәрләрнең Актанышта узган кышкы спартакиадасында катнашып, безнең район командасы мәктәп укучылары 3500дән кимрәк булган районнар арасында икенче урын яулап кайтты.

Волейболда безнең мәктәпләр директорлары хезмәттәшләре арасында республикада ук танылганнар. Хоккей уйнаучы укытучыларыбыз - өченче урында. Чаңгыда вип-узышта ир-атлар арасында республиканың Мәгариф һәм фән министры Энгель Фәттахов үзе беренче булса, безнең район мәгариф бүлеге җитәкчесе Светлана Әхтәмова хатын-кызлар арасында финишка барыннан да алда килгән. Чаңгы эстафетасында (ике ир-ат, ике хатын-кыз) безнекеләр икенче. Аркан тартышу, тимераякта (шорт-трек) узышу, өстәл теннисы ярышы - болар да бәйге сынавы булган.