Чирмешән районының Лашман авылында ике ир-ат янып үлгән
Бүген төнге икеләр тирәсендә Лашман авылындагы бер торак йортта янгын чыккан. Иң аянычы, ут казасында ике ир-атның гомере өзелә.
Районның бердәм диспетчерлык хезмәтеннән белешүебезчә, янгын хакында хәбәр аларга ГЛОНАСС системасы буенча төнге өченче яртыда килеп ирешә: Совет урамында торак йорт яна. Соңыннан мәгълүм булганча, әлеге йортта әле февраль аенда гына алтмыш яшен тутырган ялгыз ир-ат гомер иткән. Янгын урынында шушы хуҗаның һәм Лашман авылына Түбән Кама шәһәреннән кунакка кайткан, әлеге авыл кияве - 1962 елгы ир-атның үле гәүдәләре табыла. Белгечләр фаҗиганең сәбәпләрен ачыклыйлар.
Һәлак булучыларның туганнарына һәм якыннарына сабырлык телибез.
Следите за самым важным и интересным в Telegram-каналеТатмедиа
Нет комментариев