“Түгәрәк уен”нан – җиңү яулап

Самара өлкәсендә узган "Түгәрәк уен" V Бөтенроссия татар халык җырлары фестивалендә Лашманнан Наҗия Талипова беренче урынны яулаган.

Әлеге абруйлы фестивальдә быел район мәдәният йортыннан "Умырзая" ансамбле һәм Лашманнан Наҗия талипова катнаштылар. "Халкыбызның гореф-гадәтләре" номинациясендә икенче урынга чыккан умырзаялыларга самара опера һәм балет театры бинасының зур залында гала- концертта катнашу хокукы да бирелә.

Наҗия Талипова фестивальдә "Бибисара" татар халык җырын һәм "Инсаф бәете"н башкарып, "Аерым башкаручылар" номинациясендә җиңүче булды.