Эштән чыгару законлы булмаган

Район прокуратурасы "Сөлчә" ҖЧҖе механизаторын эштән чыгару турында законсыз приказга карата протест белдерде.

-Әлеге җәмгыятьтә хезмәт турында законнарның үтәлешен тикшерү барышында механизатор Борис Никитинның эш урынында аек булмаган хәлдә булганы өчен директор приказы белән агымдагы елның 21 маенда азат ителгәнлеге ачыкланды, - ди район прокуроры ярдәмчесе Михаил Пронин. - Ләкин эшченең тәртип бозуы турында факт җитәкче тарафыннан документ нигезендә теркәп куелмаган. Димәк, механизатор эш урынында чыннан да исерек килеш булган дияргә объектив сәбәп юк.

Шул ук вакытта, әлеге эшченең эштән үзе теләп китүе турында берничә көн элек гариза язганлыгы беленде. Тик җитәкче аны тискәре нигездә эштән җибәрергә әмер биргән.

Нәтиҗә шул: Никитинның хезмәт кенәгәсендә эштән үз теләге белән азат ителде, дигән язма барлыкка килде. Нишли аласың - закон шундый.