Халык фикере
Чирмешән больницасында буфет кабат ачылырмы?
Район үзәк больницасында элек буфет эшләде. Иртән анализлар бирергә кирәк булса, больницага ашамыйча килүчеләр дә, стационарда дәва алучылар да шунда еш керделәр. Буфетның больница бинасында ук эшләве аеруча өлкәннәр өчен уңай иде. Инде буфет ябык. Ул поликлиникада ремонт төгәлләнгәч тә ачылмады.
Редакциягә килгән хаттан.
Әлеге хат уңаеннан без район үзәк больницасы баш табибы Лилия Мортазинага мөрәҗәгать иттек.
-Киләчәктә больницада буфетны ачарга ниятлибез, - диде Лилия Шамил кызы. – Сәламәтлек саклау министрлыгында да бу хакта сүз булды, ләкин моңа кадәр кайбер мәсьәләләрне хәл итәсе бар.
Фото архивтан
Следите за самым важным и интересным в Telegram-каналеТатмедиа
Нет комментариев