Чирмешән социаль яклау хезмәткәрләре Бөек Җиңүнең 72 еллыгына әзерләнәләр

Быел халкыбыз Бөек Ватан сугышында Җиңүнең 72 еллыгын билгеләп үтәргә җыена. "Изге йөрәк" халыкка социаль ярдәм күрсәтү үзәгенең гаиләгә һәм балаларга социаль ярдәм бүлекчәсенең социаль педагогы Людмила Малешина бу уңайдан чаралар циклы үткәрә.

Күптән түгел ул үзәктән социаль ярдәм алучы яшүсмерләр белән "Сезнең җиңү - безнең тормыш" исемле чара уздырды. Аның барышында укучылар 9 май - Бөек Җиңү көне турында белемнәрен ныгыттылар. Әңгәмә барышында яшүсмерләрдә үз халкы өчен горурлык һәм Бөек Ватан сугышы ветераннарына хөрмәт хисләре уянды.