Безнең Чирмешән
  • Рус Тат
  • Нигә чирмешәнлеләргә газеталар вакытында килми?

    Соңгы вакытта гына да район газетасы редакциясенә берничә авылдан ( Ульяновка, Туймәт, Югары Кәминкә һ.б.) газета-журналларны вакытында таратмаулары турында хәбәр керде.

    Кара Чишмә авылында яшәүче укытучы ветеран Саимә Моратова хәтта: “Район газетасын атнага бер генә тапкыр чыгара башладыгызмы әллә ?”– дип куйды.

    Әлеге мәсьәлә уңаеннан район Чирмешән элемтә бүлекчәсе начальнигы Любовь Фәтхетдинова түбәндәгечә аңлатма бирде:

    -Һәр очракта матбугат басмаларының вакытында килмәвен аерым тикшерергә кирәк. Шуңа да, сораулар булса, райондашларыбызны шәхсән үземә 2-26-46 номеры буенча шалтыратуларын сорыйм. Дөрес, Югары Кәминкә элемтә бүлекчәсенә соңгы тапкыр район газетасын җитәрлек күләмдә җибәрмәгәннәр, аны пәнҗешәмбе көнне тараттык. Сүз уңаеннан, хәзер хат ташучылар атнага өч көн: пәнҗешәмбе, сишәмбе һәм җомга көннәрендә генә эшлиләр.

    Сүз уңаеннан. Район газетасы әле дә, бәйрәм көннәрен санамаганда, атнага ике тапкыр һәм гел вакытында чыга.

    Марат Гомәров фотосы

    Нравится
    Поделиться:
    Комментарии (0)
    Осталось символов: