Иске Котышта бурычлылар юк

Июнь башына торак-коммуналь хезмәтләр өчен (су белән тәэмин итү, чүп чыгару, ТСЖ түләүләре) район буенча барлыгы 393 мең 700 сум бурыч җыелган. Шуның 292 меңе, 74 проценты Чирмешән авыл җирлегендә яшәүчеләрнеке.

Әҗәтлеләр арасында район үзәгендә яшәүчеләр күп. Ә менә Иске Котыш авыл җирлеге бу яктан иң "чистасы", анда явыз түләмәүчеләр юк. Кармыш, Иске Кади, Ульяновка, Яңа Кади, Түбән Кәминкә, Мордва Афонькәсе авыл җирлекләрендә дә халык коммуналь хезмәтләр өчен вакытында исәп-хисап ясап барырга тырыша.