Еракка да китә

Чирмешән сөт кабул итү пунктына җыелучы, эшкәртелүче сөт бездә генә түгел, тирә-күрше шәһәрләрдә дә сатыла.
Монда авыл хуҗалыгы предприятиеләреннән һәм шәхси хуҗалыклардан көнгә уртача 17 тонна сөт китерәләр. Аның беразы, эшкәртелеп, пакетларга тутырыла, ә калганын Ижевск шәһәреннән килеп алалар.

Июль аенда тапшырылган сөт өчен (зачет авырлыгында 1 килограмм сөткә 8 сум 50 тиеннән) август башында ук исәп-хисап ясалган. Кабул итү пунктында дүшәмбе һәм пәнҗешәмбе көннәрендә 500-550 килограмм сөтне эшкәртеп, пакетларга тутырып, райондагы сәүдә нокталарына озаталар. Заявка буенча "Чирмешән сөте"н Чирмешән, Лашман, Әмир, Лагерка, Ивашкино, Әккәрәй авыллары кибетләренә илтәләр. Сишәмбе һәм җомга көннәрендә Әлмәт шәһәренә, 12 ноктага 200-250 пакет сөт озатыла.