Елга суы күлгә керә

Җомга көн киченнән алып чәршәмбегә кадәр район үзәгендәге күл суы чама белән бер метрга күтәрелгән.

Саеккан күлгә су тутыру өчен Чирмешән елгасыннан 300 метрга якын торба сузганнар. Насосларны җомга көн кичке буйда кабыздылар.

- 1нче мәктәп тирәсендә юл аша торба сузганнан соң Совет урамының бер өлешендә транспорт хәрәкәте вакытлыча чикләнде. Машина йөртүчеләргә атна-ун көн түзәргә туры килә (күлне тутыру өчен чама белән шулкадәр вакыт кирәк), - ди "Чирмешән районы коммуналь челтәрләре" җәмгыяте директоры Илнар Минһаҗев.

Киләчәктә исә күлдәге суның биеклеген бер дәрәҗәдә тоту өчен аның янәшәсендә генә борауланган скважина суы да җитәргә тиеш дип фаразлый белгечләр.

Гөлсирә Шәрифуллина фотосы.